Haru

Untukmu yang ku rindukan

Odonku tercinta

Kepada Yang  Tersayang
Om Romi
Di Surga
Hallo Om Romi… Salam sejahtera dari keponakan di bumi. Apa Kabar di Surga? Pasti sudah punya rumah yang besar dan indah. Om Romi ingat waktu beta kelas tiga Sd? Om Romi toki beta, Rendi deng Vivi pung tangan gara-gara seng tau tindis orgen. Abis itu, beta SMA lalu Om Romi ajar beta maeng piano. Beta mau tau akang barang ni bagimana, kalo Om Romi seng ajar beta?
Asal katong dua baku dapa saja, seng ada yang lain. Musik,musik deng musik.
Beta su lia Om Romi Maeng Orgen, Gitar, Bass, Drum, Suling, Pianika, Recorder, Biola, Juk,Torompet, Deng Xaxaphone. Katong dua selalu barmaeng lagu Kidung Jemaat, Pelengkap kidung jemaat, dua sahabat lama, deng lagu 70 dan 80 an.
Kalo beta datang, Om Romi selalu tanya, Opa bagimana? Oma bagimana? Mama Ivon bagimana? Mama Eby bagimana? Mama Nane bagimana? Om Hani bagimana? Mama Yola bagimana? Om Econ bagimana? Beta pung keponakan bagimana? Dong skolah bai-bai ka seng? Dong kuliah bagimana? Keluarga yang laeng dong kabar bai-bai ka seng?
Om Romi selalu kasi smangat katong dalam segala hal. Apalagi par pendidikan. Kalo katong pamalas-pamalas katong sasaja dapa marah. Tapi itu par katong pung bai.
Om Romi, kalo seng ada Om Romi, katong seng mungkin fens Jerman. Om Romi pung cinta Jerman sampe Om Romi pung anak ; Om Romi kasi nama Germany.
  Om Romi inga seng, beberapa tahun lalu katong dua dapa bakalai dari suster deng dokter gara-gara baribot di rumah sakit. Katong dua ambe kartas lalu lipa di sisir / kaseng pake plastik lalu tiop lagu-lagu Gereja. 
Coba Om Romi…jawab dolo? Jang diam talalo.
Beta minta maaf seng kuliah di teknik iko Om Romi pung mau. Padahal Om Romi su ajar beta gambar bangunan deng Jalan raya.
Bapa Dosen…..
Bapa Doseng teknik pung Judul deng proposal par persiapan S2 katong dua su biking tu. Tinggal tunggu waktu saja. Tapi Bapa Dosen su seng suka lanjut kuliah lai. Karna Bapa Dosen mau kuliah di Surga jua.
Asal pigi bilang ka,,, kata mau pigi. Sondor lai. Cuma senyum-senyum saja.
Beta suka ini. Beta suka itu. Beta mau tau ini. Beta mau tau itu. Itu sapa yang suruh? Itu sapa pung ajaran?
Sakarang beta mau tanya apa-apa dari sapa lai?
Odon E…
Jang bagitu ka. Beta ancor ; ancor dalam e…
Biar orang panggel elek lai, akang beda deng Om Romi panggel.
Sio… beta pung inspirasi su seng ada lai.
Sio… beta pung harapan su seng dapa lia lai…
Beta akan tarus barmaeng Om Romi pung lagu “Menjulang Nyata Atas Bukit Kala dan “Makin Dekat Tuhan”.
Beta akan tarus barmaeng Om Romi pung lagu “I Go My Own”, “Baby Blue”, “Send My The Pillow”.
Yang ada Om Romi su dapa kesempatan dari Tuhan Yesus par barmaeng musik deng malaikat kapa?
Yang ada Om Romi su dapa kesempatan for Tuhan Yesus Par gambar katong pung rumah di surga kapa?
DANGKE LAI SU AJAR BETA SEGALA MACAM HAL.
DANGKE SU BIKING BETA CINTA MUSIK.
DANGKE LAI SU JADI SAHABAT FOR BETA
SELAMAT JALAN OM ROMI…SELAMAT JALAN THOMAS…SELAMAT JALAN ROMELDO….SELAMAT JALAN ODON….SELAMAT JALAN MOMENTS….SELAMAT JALAN OM JERMAN
KALO BETA NANTI DATANG, KATONG DUA HANTAM MUSIK DI MUKA TUHAN YESUS PUNG TAHTA…
DANGKE TUHAN YESUS… KATONG SAMUA SAYANG OM ROMI.
                                                                               
                                                                    Hormat Saya,
                                             
                                                    FELIKS SAVERO PATTINAMA

Om Romi

jika aku ingat hari kemarin...
aku ingat Pamanku tercinta
jika aku ingat hari kemarin...
aku ingat candanya
jika aku ingat hari kemarin...
aku ingat semangatnya
jika aku ingat hari kemarin...
aku ingat semua hal yang dia ajarkan
jika aku ingat hari kemarin...
aku ingat bagaimana dia dan aku lantunkan alunan sorgawi dengan berbagai alat musik
jika aku ingat hari kemarin...
aku ingat keberaniannya
jika aku ingat hari kemarin...
aku ingat penderitaanya
jika aku ingat hari kemarin...
aku ingat motivasinya
jika aku ingat hari kemarin...
aku ingat bagaimana dia memotong rambutku
jika aku ingat hari kemarin...
aku ingat gambar-gambar bangunan yang dia goreskan di atas kertas dengan segala perhitungganya
jika aku ingat hari kemarin...
aku ingat kesetiaanya menolong banyak orang
jika aku ingat hari kemarin...
aku ingat teriakannya tentang Tim Germany yang dia cintai
jika aku ingat hari kemarin...
aku seperti ingin menelan racun...

jika aku ingat hari kemarin...
aku ingat sahabat musikku yang sudah bertemu dengan Tuhan Yesus !!!

Untukmu yang tidak terlihat lagi ...

oleh : Feliks Savero Pattinama